Kondisionerin daxili blokundan içəri su damcılayır — Səbəbi və həlli

Kondisioner otağın içinə niyə su axıdır?

Kondisioner soyutma rejimində işləyərkən otaqdakı havanın nəmini radiator lövhələrində kondensasiya edir və bu su drenaj qabı vasitəsilə boru ilə bayıra axmalıdır. Su içəri damcılayırsa, drenaj sistemində problem yaranıb.

Əsas səbəblər:

• Drenaj borusunun tutulması: Bayıra çıxan borunun ucuna toz, kir və ya həşəratlar (arılar) yuva qura bilər. Nəticədə su geri daşır.
• Daxili blokun mailliyinin pozulması: Divara quraşdırılma zamanı blok su axını tərəfinə yox, əks tərəfə əyri vurulubsa, su vannasından daşır.
• Drenaj vannasında çat və ya çıxış şlanqının ayrılması: Vibrasiya və ya zədələnmə səbəbindən şlanq yuvadan çıxır.
• Freon qazının kəskin azalması: Radiator qismən donur, kompressor sönəndə buz sürətlə əriyir və vanna bu həcmdə suyu qəbul edə bilmir.

Nə etmək lazımdır?

Cihazı dərhal söndürün ki, divar kağızı və parket zədələnməsin. Drenaj borusunun çıxışını yoxlayın, tıxanıbsa təzyiqli hava və ya məftillə təmizləyin. Problem davam edərsə, daxili blok sökülüb yuyulmalıdır.