Kondisionerdə freon qazının sızmasını necə bilmək olar?

Freon öz-özünə bitə bilərmi?

Normal halda kondisionerin soyutma sistemi tam hermetikdir və freon qazı illərlə "bitmir". Əgər qaz azalıbsa, deməli boru xəttində və ya birləşmə valslarında sızma (qaçaq) var. Sadəcə qaz vurmaq müvəqqəti təsirlidir, əsas sızma nöqtəsi tapılmalıdır.

Freon sızmasının 4 əsas əlaməti:

1. Cihaz soyutmur, ancaq otaq temperaturunda hava vurur.
2. Çöl blokdakı nazik mis borunun çıxışında qrov və buz əmələ gəlir.
3. Mis boruların fitinq birləşmələrində yağ ləkələri görünür (freon kompressor yağı ilə birlikdə sızır).
4. Kompressor fasiləsiz işləyir və həddindən artıq qızaraq termik mühafizəyə düşür.

Peşəkar usta sistemi elektron sızma axtaran cihaz və ya sabun köpüyü ilə yoxlayır, sızmanı ləğv edir, sistemi vakuumlayır və tərəzi ilə qramla freon (R410A, R32) doldurur.