Kombi partlayışla və ya tappıltı ilə yanır — Səbəbi və təhlükəsi

Partlayışla alışma nədir?

Kombidə isti su açıldıqda və ya radiator dövriyyəsi işə düşdükdə qaz kameraya daxil olur. Əgər qığılcım vaxtında verilmirsə və ya qaz yanma kamerasında həddən artıq toplanırsa, alışma ani partlayış səsi (tappıltı) ilə baş verir. Bu zaman hətta cihazın korpusu silkələnə bilər.

Səbəblər:

• Alışdırma elektrodunun uzaqlaşması və ya hislənməsi: Qığılcım zəif vurur və ya qaz çıxan dəlikdən çox uzaqda yerləşir.
• Qaz forsunkalarının (jiklörlərin) tozla tutulması: Qazın paylanması qeyri-bərabər olur.
• Tüstü borusunda geriyə sovrulma (hava çatışmazlığı): Kamera daxilində oksigen azlığı yanmanı gecikdirir.
• Qaz klapanının ilkin açılma təzyiqinin həddindən artıq yüksək olması.

Vacib: Gecikmiş alışma yanma kamerasının hermetikliyini poza bilər və dəm qazı sızmasına səbəb ola bilər. Belə halda kombini istifadə etməyi dayandırıb təcili usta çağırın.