Laminat parket qabarır, şişir və basdıqda cırıldayır

Laminatın ortadan şişməsinin səbəbi nədir?

Laminat "üzən döşəmə" prinsipi ilə vurulur — yəni otağın temperatur və rütubətindən asılı olaraq təbii şəkildə genişlənir və yığılır.

Əsas səbəb: Divar arası boşluğun (zazorun) buraxılmaması

Laminat vurularkən divarla laminat arasında ən azı 10-15 mm genişlənmə boşluğu qalmalıdır. Əgər usta laminatı divara dirəyibsə, yayda və ya nəm havada laminat genişlənərkən divara dirənir və yer tapmadığı üçün otağın ortasından dalğa şəklində yuxarı qalxır.

Necə düzəltmək olar?

Bütün plintusları çıxarın. Divara dirənən kənarları xüsusi kəsici ilə 1-1.5 sm kəsin. Boşluq yaranan kimi laminat dərhal yerinə oturacaq. Altlıq döşəmə nahamardırsa və ya şap nəm qalıbsa, xüsusi usta baxışı tələb olunur.